सुंदर अश्या नैसर्गिकतेकडे
डोळे तुमचे वळणार रे
पण मनातल्या अभद्र विचारांना
घाला तुम्ही लगाम रे
पैहरावाला विनाकारण
का दोष सारे लावता ?
असते महाभयंकर
डोळ्यांची ती पारदर्शकता
मनाची सुंदरता तुम्हाला
कधी कळणार रे ?
मनातल्या अभद्र विचारांना
घाला तुम्ही लगाम रे
तुमच्याच सोयीने असते
का रे ती अनैतिकता
कधी बदलणार तुमची
बुरसटलेली मानसिकता
अजुन किती दिवस तुम्ही
स्त्रित्वाला छळणार रे ?
मनातल्या अभद्र विचारांना
घाला तुम्ही लगाम रे
स्त्रीला कळते आपसुकच
आरपार ती नजर
खूप केले आहे सहन
तिनं रे आजवर
भावनांशी तिच्या तुम्ही
अजुन किती खेळणार रे ?
मनातल्या अभद्र विचारांना
घाला तुम्ही लगाम रे
विधात्याची सुंदर भेट
तनाची ती सुंदरता
नर आणि मादी
क्षणिक ती भावना
निर्मळ ती मानवता
कधी तुम्हा उमजणार रे ?
मनातल्या अभद्र विचारांना
घाला तुम्ही लगाम रे
रचना – डॉ. सुभाष कटकदौंड
मराठी कविता मनातल्या...Marathi Poems 