शर्यत ही जीवनाची II Race of Life

शर्यत ही जीवनाची…
Written by Dr Subhash Katakdound

स्वप्नांना नसते लांबी रूंदी 
स्वप्नांना असते उंची 
पूर्तीसाठी हवी स्फूर्ती 
अन् जिद्द हवी ती मनची 
उपयोगाचा नाही तो 
नुसताच पोकळ ध्यास 
यश मिळवायचे असेल 
तर हवा मग अभ्यास 
प्रामाणिकपणे आपण 
करत रहायचे प्रयत्न 
यश मिळेल नाही मिळेल 
नाही करायची खंत 
प्रयत्नांत नको धरसोड 
हवे नेहमी सातत्य 
भान नाही ढळावे 
नाही सोडावे तारतम्य 
नाही पडावे कधी आहारी 
फसवे ते मार्ग भ्रष्ट
आनंदी मनाने सोसावेत 
जितकेही पडतील कष्ट 
जिवनाच्या ह्या शर्यतीला 
नसतो कधी अंत 
उघड्या डोळ्यांनी पहावं 
अन् मन ठेवावं शांत

Written by Dr Subhash Katakdound 
Khopoli